Танилцуулга

Монгол Улсын Баруун бүсийн Ховд их сургууль нь 1979 онд Ховд дахь багшийн дээд сургууль нэртэйгээр 13 багш, 103 оюутантайгаар эрдмийн үүдээ нээснээс хойш 40 гаруй жилийг ардаа үджээ. Тус сургууль нь 1993 оноос “МУИС-ийн салбар сургууль”, 2004 оноос “Ховд Их Сургууль” болж үйл ажиллагаа нь өргөжсөн бөгөөд одоогийн байдлаар 1 салбар сургууль, 2 бүрэлдэхүүний сургууль, ахлах сургуультайгаар сургалт, эрдэм шинжилгээний үйл ажиллагаагаа амжилттай явуулж байна. Манай сургууль 1999, 2005, 2018 онуудад 3 удаа 5 жилийн хугацаатай магадлан итгэмжлэгдсэн төрийн өмчийн сургууль билээ. Ховд их сургууль байгуулагдсанаасаа хойш бүх шатны сургууль, цэцэрлэгийн багш сурган хүмүүжүүлэгч, биеийн тамир, спортын дасгалжуулагч, нягтлан бодогч зэрэг мэргэжлээр олон мянган боловсон хүчин бэлтгэсэн.

Бүрэлдэхүүн сургуулиуд

-Байгалийн шинжлэл, технологийн сургууль

-Гадаад хэл, соёлын сургууль

-Нийгэм, хүмүүнлэгийн ухааны сургууль

-БӨ аймаг дахь салбар сургууль

Босго оноо - 410 оноо

Сургалтын төлбөр

1 кредитийн төлбөр 63800 төгрөг /2020 оны байдлаар/

Төлбөрийн хөнгөлөлт

ЭЕШ 751+ бол сургалтын төлбөрийн 4 жил 100%  тэтгэлэг олгоно.

ЭЕШ 604+ бол сургалтын төлбөрийн эхний жил 70% тэтгэлэг олгоно.

Улаанбаатар хотоос ирж суралцагсад оюутны байранд 4 жил үнэ төлбөргүй байрлана.

Багш мэргэжлээр элсэгч ЭЕШ 651+ бол сургалтын төлбөрийн 4 жил 100% тэтгэлэг олгоно.

Элсэлтийн хөтөлбөр: (Бакалавр)

Нягтлан бодох бүртгэл, Санхүү, Эрх зүй, Программ хангамж, Барилгын инженер, Цахилгааны инженер, Уул уурхайн ашиглалтын технологи, Геологи, Газар зохион байгуулалт, Химийн боловсруулалтын технологи, Аялал жуулчлал, Бизнесийн удирдлага, Гадаад хэлний орчуулга (Англи болон Хятад), Нийгмийн ажил, Нийгмийн эрүүл мэнд, Нийтийн удирдлага, Ойн аж ахуй, Сэтгэл судлал, Экологи, Үндэсний язгуур урлаг, Багш, дүрслэх урлагийн боловсрол, Багш, дизайн технологийн боловсрол, Багш, дизайн зурагзүйн боловсрол, Багш, биеийн тамирын боловсрол, Багш, сургуулийн өмнөх боловсрол, Багш, хөгжмийн боловсрол, Багш, бага боловсрол, Багш, мэдээлэл зүйн боловсрол, Багш, математикийн боловсрол, Багш, физикийн боловсрол, Багш, биологийн боловсрол, Багш, гадаад хэлний боловсрол (Англи болон Орос), Багш, газарзүйн боловсрол, Багш, монгол хэл, уран зохиолын боловсрол, Багш, нийгмийн ухааны боловсрол, Багш, химийн боловсрол