Танилцуулга
БНМАУ-ын Ардын сайд нарын зөвлөлийн /хуучин нэрээр/ 1933 оны 7 дугаар сарын 6-ны өдрийн 8 дугаар тогтоолоор дотоодыг хамгаалах газрын дунд сургууль байгуулах шийдвэр гаргажээ. Монгол Улсын Засгийн газрын ээлжит хуралдаан 2019 оны 4 дүгээр сарын 17-ны өдөр болж, Хууль сахиулахын их сургуулийг Дотоод хэргийн их сургууль болгож, дүрмийг батлав. Монгол Улсын үе үеийн хууль сахиулагчид, эх орончдын эрдмийн их уурхай болсон Дотоод хэргийн их сургууль хөгжлийнхөө 85 гаруй жилийн хугацаанд улс орныхоо аюулгүй байдлыг хангах, ард иргэдийнхээ амар тайван амьдралыг хамгаалах үүрэг бүхий цагдаа, хилийн ба дотоодын цэрэг, шүүхийн шийдвэр гүйцэтгэх, шүүхийн шинжилгээ, онцгой байдлын байгууллагын зэрэг бүх шатны өргөн мэдлэг, ур чадвартай, өндөр ёс суртахуунтай албан хаагчдыг бэлтгэх үүргээ нэр төртэй биелүүлсээр ирсэн.
Босго оноо
480 оноо ба нэмэлтээр бие бялдрын хөгжлийн шалгалтыг авдаг.
Элсэлтийн хөтөлбөр: (Бакалавр)
Цагдаагийн сургууль: Цагдаа судлал, Мөрдөх алба, Дотоод хэргийн цэрэг судлал, Кибер гэмт хэрэг судлал
Хилийн албаны сургууль: Хил судлал, Хил хамгаалалтын зэвсэг, техникийн инженерчлэл, Шалган нэвтрүүлэх үйл ажиллагаа
Шүүхийн шийдвэр гүйцэтгэлийн албаны сургууль: Шүүхийн шийдвэр гүйцэтгэл, Аюулгүй байдал-шүүхийн шийдвэр гүйцэтгэл, Нийгмийн ажил
Онцгой байдлын сургууль: Онцгой байдал-Гамшиг судлал, Эдийн засаг
Шинжлэн магадлахуйн институт: Шинжлэн магадлахуй
Эрх зүй, нийгмийн ухааны сургууль: Эрх зүй
