Танилцуулга

   Тус сургууль нь тухайн үеийн Шинжлэх ухаан боловсролын сайдын 1995 оны 06-р сарын 29-ний өдрийн 136 тоот тушаалаар “Газарчин” нэртэйгээр байгуулагдсан. 2018 он хүртэл ахисан түвшинд магадлан итгэмжлэгдэж, Боловсрол соёл шинжлэх ухааны яамаар аттестатчилагдсан, аялал жуулчлалын мэргэжилтэн бэлтгэж эхлэсэн анхны сургууль юм. 20 гаруй жилийн түүхэн замналтай тус сургууль нь уул уурхайн, аялал жуулчлал, боловсролын чиглэлийн 30 гаруй мэргэжлээр бакалавр, магистрын сургалтыг өдөр, орой, эчнээ хэлбэрээр явуулж байна. Бакалаврын сургалт нь нэмэлтээр архив, албан хэрэг хөтлөлт болон хөдөлмөрийн аюулгүй ажиллагааны сертификаттай төгсөнө.

Босго оноо

   410 оноо

Сургалтын төлбөр

   Жилд дундажаар 1,8 сая төгрөг /2020 оны байдлаар/

Төлбөрийн хөнгөлөлт

   Улсын газар зүй, биологи, математик, физик, гадаад хэлний олимпиадуудад 1-10-р байр эзэлсэн бол мэргэжил сонгуулан шууд элсүүлэн суралцуулна.

   Элсэлтийн ерөнхий шалгалтын оноо 600-аас дээш оноо авсан сурагчид өөрийн хүссэн мэргэжлийн ангид элсэх боломжтой.

   Урлаг спортын гоц авъяастай, олон улс, улсын хэмжээний уралдаан тэмцээнд эхний 3 байрт шалгарагсдыг ерөнхий шалгалтын чиглэл, Улсын хэмжээний ЭЕШ-ын босго оноо (480)-г харгалзан сонирхсон мэргэжлээр шууд элсүүлэн суралцуулна.

   Олон улсын болон улсын чанартай олимпиадад эхний 1-10 дугаар байр, бүс, аймгийн хэмжээний олимпиад, уралдаанд эхний 1-5 дугаар байранд шалгарсан сурагчдыг олимпиадад оролцсон чиглэлийн дагуу шууд элсүүлэн суралцуулна.

   Хөдөө орон нутаг дахь салбарын мэргэжилтний хангамж, эрэлт, хэрэгцээ, үе дамжсан мэргэжил өвлөх сонирхол зэргийг үндэслэн хөнгөлөлттэй нөхцөлөөр оюутан элсүүлнэ.