Танилцуулга

Дэлхийн хөгжлийн ерөнхий хандлага, Монгол орны эдийн засаг, нийгмийн хэрэгцээ шаардлагыг хангах, зах зээлийн эдийн засгийн харилцаанд өрсөлдөх, хөрвөх чадвар бүхий хүмүүнлэг ардчилсан нийгмийн харилцаанд төлөвшсөн мэргэжилтэн бэлтгэх, нийгмийн үйлчилгээний орчин бүрдүүлж иргэдэд үйлчлэхийг ЗОРИЛГО болгосон Барилга, Технологийн коллеж 28 жилийн өмнө байгуулагдсан. Тус сургуулийн 2 мэргэжил 4 багш, ажилтантай богино хугацааны сургалтаар эхэлж байсан үйл ажиллагаа 100 гаруй багш, ажилтан, 1500 гаруй оюутан суралцагчидтай бакалаврын 3, техникчийн 6, анхан шатны 12 мэргэжлийн сургалттай коллеж болон өргөжихийн зэрэгцээ 21 мэргэжлээр мэргэжил олгох богино хугацааны сургалт явуулж байна.

Босго оноо - 400 оноо

Сургалтын төлбөр - Төлбөргүй

Техникийн дунд боловсрол /1.5 жил, 3 жил/- Иргэний барилгын техникч, Сантехникийн техникч, Цахилгааны техникч, Үс заслын технологич, Гоо заслын технологич, Хоол үйлдвэрлэл, үйлчилгээний техник технологич

Мэргэжлийн анхан шатны боловсрол /2.5 жилийн хугацаатай суралцаж мэргэжлийн боловсролын үнэмлэх, бүрэн дунд боловсролын гэрчилгээтэй төгсөнө/- Барилгын засал чимэглэлчин, Барилгын сантехникч, Барилгын цахилгаанчин, Барилгын мужаан, Барилгын өрөг угсрагч, Гагнуурчин, Тогооч, Талх, нарийн боов үйлдвэрлэлийн технологийн ажилтан, Үсчин, Гоо засалч, Өгөгдлийн сангийн оператор

Мэргэжлийн сургалт /1 жил/- Барилгын засал чимэглэлчин, Барилгын сантехник, Барилгын цахилгаан, Барилгын мужаан, Тогооч,Талх, нарийн боов үйлдвэрлэлийн технологийн ажилтан, Үсчин, Гоо засалч, авто зам, гүүр барилгын ажилтан /замчин/, Оёмол бүтээгдэхүүний оёдолчин, Хүлэмжийн аж ахуйн фермер, Худалдааны газрын үндсэн ажилтан /худалдагч/, Төмөр замын замчин, Хангамжийн нярав