Танилцуулга

Олон улсын эдийн засаг, бизнесийн чиглэлээр дагнан мэргэшсэн Монгол улс дахь анхны их сургууль юм. Олон улсад болон үндэсний хэмжээнд магадлан итгэмжлэгдэж, шалгуур шаардлагыг бүрэн хангасан. Олон улсын тодотголтой хөтөлбөрүүддээ англи, япон хэлийг жилийн туршид шаталсан хэлбэрээр эзэмшүүлдэг. Дийлэнх хөтөлбөрөөр хос мэргэжил эзэмшүүлж, хөрвөх чадвартай мэргэжилтэн бэлтгэдэг.

Япон улсад хэлний дадлага, БНХАУ-ын зун, өвлийн сургалтад багш, оюутнуудаа хөнгөлттэй нөхцөлөөр явуулж суралцуулдаг. Төгсөгчид болон суралцагчдыг "Оюутны хөдөлмөр эрхлэлтийг дэмжих төв"-өөр дамжуулан ажлын байранд зуучилдаг. Хөндлөнгийн олон улсын байгууллагаар сургалтын хөтөлбөрөө үнэлүүлдэг. Сургалтын төлбөр төлөх уян хатан нөхцөлтэй. 

ОЮУТАНД ҮЗҮҮЛЭХ ТЭТГЭЛЭГ ХӨНГӨЛӨЛТ

I.     Сургуулиас оюутанд үзүүлэх хөнгөлөлт, урамшуулал

1. Суралцагч нь хичээлийн жилийн сургалтын төлбөрийг 8 дугаар сарын 25- ны дотор сургуулийн  дансанд бүрэн шилжүүлбэл сургалтын төлбөрийн 5%-ийг хөнгөлнө.
2. Оюутны сургалтын төлбөрийн хэмжээг анги дэвших бүрт тухайн жилийн элсэгчдийн сургалтын төлбөрийн тогтоосон хэмжээнээс 50000 төгрөгөөр бууруулна.
3. Элсэлтийн Ерөнхий шалгалтанд 700 ба түүнээс дээш оноо авсан элсэгчид эхний хичээлийн  жилийн сургалтын төлбөрийн 20%-ийн хөнгөлөлт үзүүлнэ.
4. Ерөнхий боловсролын сургуулийг “А” дүнтэй суралцаж төгссөн, манай сургуульд үргэлжлэн 4-өөс доошгүй улирал дараалан бүх хичээлдээ “А” дүнтэй суралцаж байгаа, эсхүл тус сургуульд 6 улирал дараалан бүх хичээлдээ “А” дүнтэй суралцаж байгаа шилдэг манлайлагч нэг оюутныг жил бүр шалгаруулан “Сургуулийн үүсгэн байгуулагч Б.Должинцэрэнгийн нэрэмжит тэтгэлэг” сар бүр 100000 төгрөгийн  тэтгэлэг олгоно.
5. Дөрвөн улирал дараалан бүх хичээлдээ “А” дүнтэй суралцсан оюутны дараагийн улирлын сургалтын төлбөрийг 30%-иар хөнгөлнө. Оюутан 6 болон түүнээс дээш улирал дараалан бүх хичээлдээ “А” дүнтэй суралцвал сургалтын төлбөрийн 50%-ийн хөнгөлөлт үзүүлнэ.
6. Олон улсын болон Их, Дээд сургуулиудын оюутны дунд зохион байгуулдаг улсын олимпиадуудад  эхний 5 байранд шалгарсан оюутны тухайн жилийн сургалтын төлбөрийн 30-100%-ийг эзэлсэн байрыг нь харгалзан чөлөөлнө.
7. Олон улсын болон үндэсний хэмжээний спорт, урлагийн тэмцээнд тэргүүн байр эзэлсэн суралцагчид тухайн жилийн сургалтын төлбөрийн 20%-тай тэнцэх шагнал олгоно.
8. Нэг гэр бүлээс хоёр болон түүнээс дээш оюутан тус сургуульд зэрэг суралцаж байгаа бол 2 дахь хүүхдэд 20%, гуравдахь хүүхдэд нь 30%-ийн сургалтын төлбөрийн хөнгөлөлт үзүүлнэ.

II. Төр болон бусад байгууллагаас олгох тэтгэлэг, сургалтын төлбөр, зээл

1. Тэтгэлэг

• Үндэсний болон урамшуулалт тэтгэлэгт бүх оюутан хамрагдана.
• Ерөнхийлөгчийн, Ерөнхий Сайдын, Голомт банк, ХААН банкны болон бусад байгууллагын тэтгэлэгт хамрагдах боломжтой
• Японы үүсгэн байгуулагчийн тэтгэлэг

2. Сургалтын төлбөр

• Бүтэн өнчин, хөгжлийн бэрхшээлтэй, эсхүл эцэг, эх нь хоёулаа хөгжлийн бэрхшээлтэй суралцагч
• Хөдөлмөрийн чадвараа бүрэн алдсан гишүүнтэй өрхийн нэг суралцагч

3. Сургалтын төлбөрийн зээл

1.  Хагас өнчин суралцагч
2. Малчин өрхийн суралцагч
3. Өрхийн нэг гишүүнд оногдох орлого нь бүсийн амьжиргааны төвшингөөс доогуур орлоготой өрхийн суралцагч
4. Гэрээт цэргийн албыг 2 жилээс доошгүй хугацаагаар хаасан суралцагч

Элсэлтийн хөтөлбөр: (Бакалавр)

-Эдийн засаг

-Бизнесийн удирдлага

-Санхүү

-Банк

-Нягтлан бодох бүртгэл

-Программ хангамж

-Уул уурхайн ашиглалтын технологи

-Механик инженерчлэл

-Ашигт малтмалын баяжуулалтын технологи

-Менежмент

-Олон улсын харилцаа